ویب ڈیسک: نیو یارک کی عدالت نے ٹرمپ انتظامیہ کی جانب سے وائس آف امریکہ کی بندش کا فیصلہ عارضی طورپر معطل کردیا ۔
امریکی اخبار کا کہنا ہے کہ جج نے حکومت کو وائس آف امریکا کو تحلیل کرنے یا اس کے عملے کو برطرف کرنے سے روک دیا ہے تاہم جج نے وائس آف امریکا کی بحالی کے حوالے سے کوئی ہدایات جاری نہیں کیں۔
امریکی اخبار کے مطابق نیو یارک کی عدالت کے فیصلے کے نتیجںے میں وائس آف امریکہ سے وابسطہ1200سے زائد صحافیوں اور ملازمین کی نوکریاں بحال ہو گئی ہیں۔
ٹرمپ انتظامیہ نے ایگزیکٹو آرڈر کے ذریعے 7 وفاقی ادارے ختم کرنے کا حکم دیا تھا جس میں وائس آف امریکا بھی شامل تھا۔
عدالتی فیصلے نے ٹرمپ انتظامیہ کے اس اقدام کو غیر معقول قرار دیتے ہوئے روک دیا ہے۔
