ویب ڈیسک: امریکی ترجمان محکمہ خارجہ ٹیمی بروس نے کہا ہے کہ ایرانی پاسداران انقلاب کو دہشت گرد قرار دیا جا چکا ہے، اس لئے اب ہر صورت ایران کو نیوکلیئر پروگرام کا پھیلاؤ روکنا ہوگا، اس موقع پر انہوں نے غزہ کی صورتحال کی ذمہ داری اسرائیل کی بجائے حماس کے سر ڈال دی، اور اسے ہی تمام تر تباہی کا ذمہ دار ٹھہرا دیا۔
ٹیمی بروس نے پریس بریفنگ کے دوران کہا کہ غزہ کی صورتحال کی ذمہ دار فلسطین کی مزاحمتی تنظیم حماس ہے، ٹرمپ انتظامیہ امریکی عوام کی امنگوں کے مطابق تمام فیصلے کر رہی ہے، ہم محفوظ ہیں، احترام کے ساتھ اپنے اقدار کو نافذ کرتے ہیں، لیکن غزہ میں جو ہو رہا ہے اس کی ذمہ دار حماس ہے۔
انہوں نے کہا کہ صدر ٹرمپ کے دور میں جب امریکا معاشی لحاظ سے مضبوط ہو جائے گا تو دنیا بھی ایک بہتر جگہ ہو گی، لوگ ٹرمپ پر اعتبار کرتے ہیں، اسی لیے انہیں دوبارہ منتخب کیا گیا ہے۔ ایک سوال کے جواب میں ان کا کہنا تھا کہ ایران کے پاسداران انقلاب گارڈ کو بین الاقوامی دہشت گرد قرار دیا جا چکا ہے، اس لئے اب ہر صورت بیلسٹک میزائل پروگرام کے ساتھ ساتھ ایران کو نیوکلیئر پروگرام کا پھیلاؤ بھی روکنا ہوگا۔
