ویب ڈیسک: آئی سی سی ویمنز کرکٹ کوالیفائرز کیلئے میچ آفیشلز کا اعلان، پاکستان کے فیصل آفریدی اور سلیمہ امتیاز امپائرنگ پینل میں شامل ، پاکستان کے علی نقوی میچ ریفری کی ذمہ داریاں نبھائیں گے.
تفصیلات کے مطابق پاکستان کی میزبانی میںہونے والے آئی سی سی ویمنز کرکٹ کوالیفائرز کیلئے میچ آفیشلز کا اعلان کردیا گیا ہے، 6 ملکی ایونٹ کیلئے اعلان کردہ میچ آفیشلز میں پاکستان کے فیصل آفریدی اور سلیمہ امتیاز امپائرنگ پینل میں جگہ بنانے میںکامیاب ہو گئے، جبکہ ایونٹ کیلئے نامزد کردہ 10 امپائرز کے علاوہ 3 ریفریز کو بھی ذمہ داریاںتفویض کر دی گئی ہیں.
میگا ایونٹ کیلئے اعلان کردہ میچ ریفریز میںپاکستان کے علی نقوی بھی ذمہ داریاں نبھاتے نظر آئیں گے ، ان کے ساتھ شاندرے فرٹز اور ٹروڈی اینڈرسن میچ ریفریز پینل میں شامل ہیں۔ ورلڈکپ کوالیفائر میں ویسٹ انڈیز، بنگلادیش، آئرلینڈ، سکاٹ لینڈ، تھائی لینڈ اورپاکستان کی ویمنز ٹیمیں شامل ہیں، یاد رہے کہ ایونٹ کیلئے غیر ملکی ٹیموں کی آمد کا آج شب سے آغاز ہو گا۔
