ویب ڈیسک: آذربائیجان کے صدر الہام علیوف کے دورہ پاکستان کی ممکنہ تاریخ سامنے آگئی ۔
میڈیا رپورٹس کے مطابق آذربائیجان کے صدر الہام علیوف ممکنہ طور پر 26یا 27اپریل کو پاکستان کا دورہ کریں گے۔
آذربائیجان صدر کے دورے کے دوران موٹر وے M-6، M-9 اور پیٹرولیم سیکٹر میں سرمایہ کاری سے متعلق اہم معاہدے متوقع ہیں۔
معاہدوں کو حتمی شکل دینے کے لیے آذربائیجان کے وزیر معیشت میکائیل جبا روف 8 اپریل کو اسلام آباد پہنچیں گے۔
ذرائع کے مطابق دونوں ممالک کے درمیان اقتصادی تعاون کے فروغ کے لیے یہ دورہ اہم تصور کیا جا رہا ہے۔
