ویب ڈیسک: خیبرپختونخوا اسمبلی کے سپیکر بابر سلیم سواتی نے احتساب کمیٹی کو جواب جمع کرا دیا، سپیکر صوبائی اسمبلی بابر سلیم سواتی کے خلاف بھرتیوں اور پروموشنز میں بےقاعدگیوں کے الزامات ہیں.
تفصیلات کے مطابق خیبرپختونخوا اسمبلی کے سپیکر بابر سواتی نے پاکستان تحریک انصاف کی احتساب کمیٹی کو کرپشن الزامات پر جواب جمع کرادیا، اس پر کارروائی کے بعد کرپشن ثابت ہونے کی صورت میںپارٹی سپیکر کو عہدہ چھوڑنے کا کہے گی، جبکہ عہدہ نہ چھوڑنے پر سپیکر کےخلاف عدم اعتماد کی تحریک لائی جاسکتی ہے۔
ذرائع نے اس حوالے سے بتایا ہے کہ بےگناہ ثابت ہونے پر سپیکر خیبرپختونخوا اسمبلی اور پی ٹی آئی رہنما اعظم سواتی میں صلح کا ٹاسک وزیراعلیٰ کو دے دیا گیا ہے۔ اس کے علاوہ بےقاعدگیاں ثابت ہونے پر سپیکر کو انہیں درست کرنے اور غلط فیصلے واپسی لینے کا وقت دیا جائے گا۔ یاد رہے سپیکر خیبرپختونخوا کے خلاف بھرتیوں اور پروموشنز میں بےقاعدگیوں کےالزامات ہیں، جس پر خیبرپختونخوا اسمبلی کے سپیکر بابر سلیم سواتی نے احتساب کمیٹی کو جواب جمع کرا دیا.
