ویب ڈیسک: وزیراعظم شہباز شریف اور قائد ن لیگ میاں نواز شریف کا دورہ لندن متوقع ہے جہاں اہم ملاقاتیں شیڈول ہیں۔
پارٹی ذرائع کے مطابق وزیراعظم شہباز شریف 11اپریل جبکہ مسلم لیگ کے قائد نواز شریف 12 اپریل کو برطانیہ روانہ ہوں گے۔
وزیراعظم شہباز شریف 11 سے 13 اپریل تک لندن میں قیام کریں گے جہاں وہ نواز شریف سے حکومت کی کارکردگی اور تنظیمی معاملات پر مشاورت کریں گے۔
نواز شریف لندن میں دو ہفتے قیام کریں گے جہاں وہ لندن میں مسلم لیگ ن کے اوورسیز کنونشن سے خطاب کریں گے ، اس کے علاوہ وہ اپنا میڈیکل چیک اپ بھی کروائیں گے۔
ذرائع کا کہنا ہے کہ نواز شریف لندن سے دوبارہ سیاسی سرگرمیوں کا آغاز کریں گے، اس موقع پر کئی اہم سیاسی رہنماں سے ملاقاتیں بھی شیڈول ہیں۔
