ویب ڈیسک: پاکستان تحریک انصاف ( پی ٹی آئی ) میں اندسرونی اختلافات کھل کر سامنے آگئے جبکہ جبکہ پارٹی کی مرکزی قیادت نے وزیراعلیٰ علی امین گنڈا پور کے بیانات کا نوٹس لے لیا۔
پشاور میں بانی پی ٹی آئی عمران خان کی رہائی کے لئے لگائے گئے کیمپ میں بات چیت کرتے ہوئے پارٹی کے صوبائی صدر جنید اکبر خان نے کہا کہ پی ٹی آئی میں X,Y,Zکی کوئی حیثیت نہیں ہے ۔
پی ٹی آئی خیبر پختونخوا کے صدر نے مزید بتایا کہ وزیراعلیٰ خیبر پختونخوا کو ہٹانے کی خبروں میں کوئی صداقت نہیں تاہم علی امین گنڈا پور نے رہنمائوں پر جو الزامات لگائے پارٹی کی سیاسی کمیٹی نے اس کا نوٹس لے لیا کیونکہ یہ درست الزامات نہیں ہیں۔
جنید اکبر کا کہنا تھا کہ پارٹی میں علی امین ہوں یا تیمور جھگڑا سب بانی کے کارکن ہیں ، پارٹی کی سینئر قیادت نے وزیر اعلیٰ کے بیانات کا بھی نوٹس لے لیا ہے فریقین کو حالیہ صورتحال میں صبر و تحمل سے کام لینا چاہئے۔
انہوں نے کہا کہ علی امین گنڈا پور کو وزیراعلی کے منصب کیلئے بانی چیئرمین نے منتخب کیا، اس وقت ہم عمران خان کو جیل سے نکالنے کی جدوجہد کررہے ہیں۔
