ویب ڈیسک: امریکی صدر ٹرمپ کی جانب سے عائد کئے جانے والے ٹیرف اور عالمی تجارتی جنگ کے خدشات پر ایشیائی اسٹاک مارکیٹ میں نئے ہفتے کے آغاز پر شدید مندی کا رجحان رہا ۔
تفصیلات کے مطابق جاپان کا نکئی انڈیکس 9فیصد نیچے آگیا اور ہانگ کانگ کے ہینگ سینگ میں 8 فیصد گراوٹ ہوئی جبکہ جنوبی کوریا میں شدید مندی کے خدشات پر ٹریڈنگ عارضی طور پر روک دی گئی ۔
اسی طرح آسٹریلین اسٹاک مارکیٹ میں 160 ارب ڈالرز کا خسارہ ہوا جہاں ٹریڈنگ شروع ہونے کے 15 منٹ میں بینچ مارک ایس اینڈ پی 6 فیصد نیچے آگیا۔
دوسری جانب امریکی ٹیرف میں اضافے اور تیل کی قیمتوں میں کمی کے عرب ملکوں پر بھی اثرات پڑرہے ہیں اورر سعودی اسٹاک مارکیٹ میں 500 ارب ریال کا نقصان ہوا۔
قطر،کویت، مسقط اور بحرین کی اسٹاک مارکیٹوں میں بھی گراؤٹ دیکھی گئی۔سعودی میڈیا کے مطابق خلیجی اسٹاک مارکیٹوں میں مئی 2020 کے بعد سب سے بڑی کمی ریکارڈ کی گئی۔
