ویب ڈیسک: وزیراعلیٰ خیبر پختونخوا علی امین گنڈا پور پارٹی اختلافات ختم کرنے کے لئے تیار ہو گئے ، چیئرمین پی ٹی آئی بیرسٹر گوہر سے ملاقات میں اس حوالے سے مثبت ردعمل کا اظہار کیا ۔
تفصیلات کے مطابق پاکستان تحریک انصاف کے چیئرمین بیرسٹر گوہر پارٹی کے اندرونی اختلافات ختم کرانے کے لئے متحرک ہو گئے اور اس سلسلے میں انہوں نے وزیراعلیٰ خیبر پختونخوا علی امین گنڈا پور سے ملاقات کی جس میں اہم امور پر گفتگو کی گئی ۔
ذرائع کا کہنا ہے کہ وزیر اعلیٰ علی امین گنڈا پور نے نے اختلافات ختم کرنے کی بات پر مثبت ردعمل کا اظہار کیا۔
دریں اثناء بیرسٹر گوہر کے دیگر متعلقہ پارٹی رہنمائوں سے بھی مسلسل رابطے جاری ہیں اور متعلقہ رہنمائوں کو ایک میز پر لانے کے لئے کوشاں ہیں ۔
دوسری جانب پی ٹی آئی کے رہنما شوکت یوسفزئی نے اس حوالے سے کہا کہ جمہوری پارٹی میں وقتی اختلافات کوئی بڑی بات نہیں۔
انہوں نے کہا کہ پارٹی میں اختلافات نہیں بلکہ کچھ غلط فہمیاں ہیں، امید ہے بعض رہنماں میں غلط فہمیاں جلد دور ہوجائیں گی۔
