ویب ڈیسک: ٹیرف کے معاملے پر امریکا اور چین آمنے سامنے آ گئے ہیں ، امریکی صدر ڈونلڈ ٹرمپ نے مزید ٹیرف عائد کرنے کی دھمکی دے دی ۔
امریکی صدر ڈونلڈ ٹرمپ نے امریکا پر 34فیصد جوابی ٹیرف عائد کیے جانے پر شدید ردعمل دیتے ہوئے کہا ہے کہ اگر چین نے 8 اپریل تک اضافہ واپس نہ لیا تو امریکا چین پر 50 فیصد اضافی ٹیرف عائد کر دے گا۔
ٹرمپ نے واضح کیا کہ میں پہلے ہی خبردار کر چکا ہوں کہ جو بھی ملک امریکا کے خلاف اضافی ٹیرف عائد کرے گا اسے فوری طور پر زیادہ اور سخت امریکی ٹیرف کا سامنا کرنا پڑے گا۔
امریکی صدر نے مزید کہا کہ چین کے ساتھ مذاکرات، جن کے لیے انہوں نے خود رابطہ کیا تھا، ختم کر دیے جائیں گیجبکہ دیگر ممالک کے ساتھ بات چیت کا عمل فوری طور پر شروع کیا جائے گا۔
خیال رہے کہ امریکی ٹیرف کے جواب میں چین نیصرف امریکی مصنوعات پر ٹیرف ہی عائد نہیں کیا گیا بلکہ چینی وزارت تجارت نے 11 امریکی کمپنیوں کو غیر معتبر اداروں کی فہرست میں بھی ڈال دیا ہے جس سے وہ چین میں کاروبار نہیں کرسکیں گی۔
