ویب ڈیسک: وزیر خارجہ اسحاق ڈار کا امریکی ہم منصب مارکو روبیو سے ٹیلیفونک رابطہ ہوا جس میں دو طرفہ تعلقات سمیت افغانستان کی صورتحال پر تبادلہ خیال کیا گیا ۔
وزیرخارجہ اسحاق ڈار نے نے تجارت، سرمایہ کاری اور انسداد دہشتگردی میں تعاون پر زور دیتے ہوئے کہا کہ پاکستان امریکا کیساتھ شراکت داری مضبوط بنانے کا خواہاں ہے۔
اس موقع پر امریکی وزیرخارجہ نے کہا اقتصادی تعاون پاک امریکا تعلقات کا نمایاں پہلو ہو گا۔
دونوں رہنماں میں معدنیات سمیت مختلف شعبوں میں سرمایہ کاری پر بھی بات چیت ہوئی،اسحاق ڈار نے دہشتگردی کیخلاف پاکستان کی کامیاب کوششوں پر روشنی ڈالی۔
امریکی وزیر خارجہ نے پاکستان کی انسداد دہشتگردی کی کوششوں کو سراہا،افغانستان کی صورتحال اور امریکی فوجی ساز و سامان کے مسئلے پر بھی بات چیت ہوئی۔
