ویب ڈیسک: پی ٹی آئی کے سینئر رہنماء عمر ایوب نے کہا ہے کہ ملک میں اس وقت آئین وقانون نہیں جبکہ پولیس،رینجرز ریاست کے ہتھیار ہیں۔
راولپنڈی میں اڈیالہ جیل کے بعد عمر ایوب کا میڈیا سے گفتگو کرتے ہوئے کہنا تھا کہ بانی پی ٹی آئی عمران خان نے ڈیل کرنا ہوتی تو اب تک کرچکے ہوتے۔
انہوں نے کہا کہ آج ملاقات کا دن تھا لیکن یہاں پولیس دیکھ لیں، اس وقت ملک میں آئین وقانون نہیں پولیس،رینجرز ریاست کے ہتھیار ہیں، جیل قانون کے مطابق قیدی کے بھی حقوق ہیں۔
پچھلی جمعرات کو کورٹ آرڈرز کے ساتھ آئے تھے، ملک کی عدلیہ اور ججز تعین کرلیں کہ وہ اپنے احکامات پر عمل درآمد کرائیں یا چھٹی کرکے گھر چلے جائیں یہ نہیں ہو سکتاملک میں عدل نہ ہو،آئین و قانون نہ ہو۔
اپوزیشن لیڈر کا کہنا تھا کہ عید کے دن عمران خان کو نماز نہیں پڑھنے دی گئی، انہیں تین ماہ سے بیٹوں سے بات نہیں کرنے دی گئی، سیاسی رفقا سے ملاقات نہیں کرنے دی جا رہی ہے۔
عمر ایوب نے کہا کہ ن لیگ والے کہتے ہیں کہ عمران خان معافی مانگ لیں تو سارا معاملہ ختم ہو جائے گا،اس سے ظاہر ہے یہ سیاسی معاملہ ہے، بانی نہ بھاگتے ہیں نہ ڈیل اور نہ ڈھیل مانگتے ہیں۔
انہوں نے کہا کہ زرداری نے سندھ کا پانی بیچ دیا یے، اب مگر مچھ کے آنسو بہا رہے ہیں، اختر مینگل اور ساتھیوں پر کل اندھا دھند فائرنگ کی گئی، گندم کا بحران دیکھ لیں، مہنگائی کا طوفان آنے والا ہے۔
