ویب ڈیسک: پشاور ہائیکورٹ نے پی ٹی آئی رہنماؤں کی حفاظتی ضمانت میں 15اپریل تک توسیع کی منظوری دے دی ۔
پشاور ہائیکورٹ میں پی ٹی آئی کے ممبران قومی اسمبلی اسد قیصر، شہرام ترکئی، صوبائی وزیر فیصل ترکئی اور ایم پی اے افتخار مشوانی کی حفاظتی ضمانت کی درخواست پر سماعت ہوئی ۔
کیس کی سماعت ہائیکورٹ کے جسٹس صاحبزادہ اسداللہ اور جسٹس اورنگزیب پر مشتمل دو رکنی بنچ نے کی ،درخواست گزار عدالت میں پیش ہوئے جبکہ احتجاج کے باعث وکلا عدالت میں پیش نہیں ہوئے۔
عدالت نے پی ٹی آئی کے چاروں رہنماؤں کی عبوری ضمانت میں 15اپریل تک توسیع دیتے ہوئے گرفتاری سے روک دیا ۔
عدالت نے درخواست گزاروں کے خلاف درج مقدمات کی تفصیلات کے لئے دائر درخواست پر وفاقی حکومت کو نوٹس جاری کرتے ہوئے جواب طلب کرلیا۔
