ویب ڈیسک: یوکرینی صدر ولادیمیر زیلنسکی نے روسی افواج کے ہمراہ لڑنے والے دو چینی فوجیوں کو گرفتار کرنے کادعویٰ کیا ہے ۔
صدر زیلنسکی نے منگل کو سوشل میڈیا پر جاری اپنے بیان میں کہا کہ ہماری فوج نے یوکرینی علاقے میں ڈونیٹسک کے علاقے میں روسی فوج کے ساتھ لڑنے والے دو چینی باشندوں کو گرفتار کیا ہے ۔
یوکرینی صدر نے ایک ویڈیو بھی شیئر کی جس میں مبینہ طور پر ایک چینی قیدی کو دکھایا گیا ہے تاہم روس یا چین کی جانب سے اس دعوے پر تاحال کوئی ردعمل سامنے نہیں آیا۔
واضح رہے کہ چین اس جنگ میں غیر جانبدار رہنے کا دعوی کرتا ہے اور اس کا موقف ہے کہ وہ کسی بھی فریق کو مہلک ہتھیار فراہم نہیں کر رہا۔
یوکرینی صدر نے کہا کہ ہمارے پاس شواہد موجود ہیں کہ روسی افواج کے ساتھ کئی اور چینی شہری بھی لڑ رہے ہیں۔
ان کے مطابق انہوں نے یوکرینی وزیر خارجہ کو ہدایت دی ہے کہ وہ فوری طور پر چین سے رابطہ کریں اور اس صورتحال پر چین کا موقف حاصل کریں۔
