ویب ڈیسک: ضلع دیربالا میں دن دیہاڑے فائرنگ سے ایک شخص جاں بحق جبکہ ایک زخمی ہو گیا، زخمی کو فوری طبی امداد کیلئے ہسپتال منتقل کر دیا گیا۔
ذرائع کا کہنا ہے کہ ملزم نے دیر لاری اڈہ میں مخالفین پر فائرنگ کی جس سے حاضر رحمن جاں بحق جبکہ لعل زرین زخمی ہو گیا۔
ارتکاب جرم کے بعد ملزم جائے وقوعہ سے فرار ہونے میں کامیاب ہو گیا، دیربالا میں دن دیہاڑے فائرنگ سے ایک شخص جاں بحق اور ایک کے زخمی ہونے کے اس واقعہ کو پرانی دشمنی کا شاخسانہ بتایا جا رہا ہے۔
