ویب ڈیسک: ملکی و غیر ملکی قرض کے حوالے سے وزارت خزانہ نے تمام تر تفصیلات قومی اسمبلی میں پیش کر دیں، وزارت خزانہ کی جانب سے پیش کردہ معلومات کے مطابق ملکی و غیر ملکی قرض سمیت پاکستان پر مجموعی قرض کا حجم 75 ہزار ارب روپے تک پہنچ گیا۔
دستاویز کے مطابق ملکی قرض 51 ہزار، بیرونی قرض 24 ہزار ارب ہو گیا ہے، اس دوران دسمبر تا فروری ابن تین ماہ میں قرضوں میں ایک ہزار 338 ارب روپے کا اضافہ ہوا۔ وزرات خزانہ کے مطابق رواں مالی سال کی پہلی ششماہی کے دوران حکومت نے مختلف سرکاری وزارتوں اور اداروں کو مجموعی طور پر 942 ارب 99 کروڑ روپے سبسڈی، گرانٹس اور قرضوں کی مد میں فراہم کیے۔
دستاویز میں بتایا گیا ہے کہ سبسڈی کی مد میں 237 ارب 31 کروڑ روپے جاری کیے گئے، جن میں پاور سیکٹر کو سب سے زیادہ 218 ارب 31 کروڑ روپے دئیے گئے، پیسکو کو 2 ارب 40 کروڑ جبکہ ہاوسنگ فنانس سکیم کے لیے 5 ارب 79 کروڑ روپے مختص کیے گئے۔ یاد رہے وزارت خزانہ کی جانب سے پیش کردہ معلومات کے مطابق ملکی و غیر ملکی قرض سمیت پاکستان پر مجموعی قرض کا حجم 75 ہزار ارب روپے تک پہنچ گیا۔
