ویب ڈیسک: فرانس نے فلسطینی ریاست تسلیم کرنے کا عندیہ دے دیا، فرنچ صدر ایمانوئل میکرون کا کہنا ہے کہ آنے والے مہینوں میں فرانس فلسطینی ریاست کو تسلیم کرسکتا ہے۔
ذرائع کے مطابق فرانسیسی صدر میکرون نے بتایا کہ ان کا مقصد اسرائیل فلسطین تنازع پر اقوام متحدہ کی کانفرنس میں اس اقدام کو حتمی شکل دینا ہے، ہمیں فلسطین کو ایک ریاست کی حیثیت سے تسلیم کرنے کی طرف بڑھنا چاہیے اور ہم آنے والے چند مہینوں میں ایسا کر کے بھی دکھائیں گے۔
انہوں نے اس حوالے سے مزید بتایا کہ میں ایسا کسی کو خوش کرنے کے لیے نہیں بلکہ معاملات درست کرنے کیلئے کر رہا ہوں۔ فلسطینی حکام نے کہا ہے کہ فرانسیسی صدر کا یہ بیان فلسطینی عوام کے حقوق کے تحفظ اور دو ریاستی حل کے سلسلے میں درست سمت کی جانب ایک قدم ہے۔ یاد رہے فرانس نے فلسطینی ریاست تسلیم کرنے کا عندیہ دے دیا، فرنچ صدر ایمانوئل میکرون کا کہنا ہے کہ آنے والے مہینوں میں فرانس فلسطینی ریاست کو تسلیم کرسکتا ہے۔
