ویب ڈیسک: خیبرپختونخوا کے چند ایک مقامات پر بارش و ژالہ باری کا امکان ظاہر کرنے کے ساتھ ساتھ محکمہ موسمیات نے خیبر پختونخوا کے بیشتر اضلاع میں موسم جزوی ابر آلود رہنے کا امکان کیا ہے۔
محکمہ موسمیات کی رپورٹ کے مطابق خیبرپختونخوا کے چند ایک مقامات پر بارش و ژالہ باری کا امکان ظاہر کیا گیا ہے، ان اضلاع میں چترال، دیر، سوات، شانگلہ، مالاکنڈ میں گرچ چمک اور تیز ہواؤں کے ساتھ بارش جبکہ بعض مقامات پر ژالہ باری بھی ظاہر کی گئی ہے۔
صوبہ کے دیگر اضلاع مانسہرہ، تورغر، کوہستان، بٹگرام، ایبٹ آباد میں بھی تیز ہواؤں اور گرچ چمک کے ساتھ بارش کی پیش گوئی کی گئی ہے، جبکہ خیبر، اورکزئی، مہمند، صوابی، مردان، نوشہرہ، چارسدہ اور صوبائی دارالحکومت پشاور میں بھی گرچ چمک کے ساتھ بارش کا امکان ہے۔
ڈیرہ، ٹانک، لکی مروت، کرک، شمالی و جنوبی وزیرستان میں بھی گرچ چمک اور ہواؤں کے ساتھ بارش کا امکان ہے۔ صوبائِی دارالحکومت پشاور میں گزشہ روز بھی ہلکی بورش ہوئی جبکہ بالائی علاقے دیر میں سب سے زیادہ 15 ملی میٹر بارش ریکارڈ کی گئی۔
سیاحتی مقام مالم جبہ میں 11، کالام میں 9، پٹن کوہستان میں 10، سیدو شریف سوات میں 4 اور چترال میں ایک ملی میٹر بارش ہوئی۔ اس کے ساتھ ساتھ گزشتہ روز پشاور کا درجہ حرارت 21، چترال کا 12، دیر بالا کا 9، کالام کا 7 اور مالم جبہ کا درجہ حرارت 8 ڈگری سینٹی گریڈ ریکارڈ کیا گیا۔
