ویب ڈیسک: قومی اسمبلی میں قائد حزب اختلاف اور رہنما پاکستان تحریک انصاف عمر ایوب نے کہا ہے کہ ہمارے اندرونی معاملات سے ن لیگ اور پیپلز پارٹی کا کیا لینا دینا، عمران خان کی قیادت میں پارٹی متحدہ ہے۔
ڈسٹرکٹ کورٹ اسلام آباد کے باہر میڈیا سے گفتگو کرتے ہوئے انہوں نے کہا کہ ضمانت منظور کرنے پر عدالت کا شکر گزار ہوں، دیگر شہروں میں بھی میرے کیسز کی سماعت چل رہی ہے، میرے پاس اڑن طشتری بھی ہو تب بھی بیک وقت 3 شہروں میں نہیں پہنچ سکتا۔
انہوں نے کہا کہ جوڈیشل سسٹم اور پولیس سسٹم میں ریفارمز کی ضرورت ہے، پرسوں اڈیالہ میں بانی پی ٹی آئی سے ملنے نہیں دیا گیا، جبکہ اس موق پر لوگوں کو گرفتار کیا گیا، پاکستان کو ضرور ہارڈ سٹیٹ ہونا چاہیے لیکن اس کی بنیاد آئین اور قانون ہونا چاہئے، تشدد اور جبر نہیں، کیونکہ اس سے صرف ایک کھوکھلی سٹیٹ یہ بن سکتی ہے۔
قائد حزب اختلاف قومی اسمبلی نے پی ٹی آئی میں گروپنگ کے حوالے سے کہا کہ ن لیگ اور پیپلز پارٹی کا ہمارے اندرونی معاملات سے کیا لینا دینا؟ پی ٹی آئی چوہدراہٹ والی پارٹی نہیں، عمران خان کی قیادت میں پارٹی متحد ہے۔ بانی پی ٹی آئی سب کی سنتے ہیں۔
پی ٹی آئی رہنما نے کہا کہ معدنیات بل پاس کرنا نہ کرنا صوبائی اسمبلی اور صوبائی حکومت کا معاملہ ہے، گرینڈ الائنس کے معاملے پر ہماری جدوجہد جاری ہے، وزیر اعلیٰ بلوچستان کو کہوں گا کہ ہم سب کو بلائیں، انویسمنٹ کا بنیادی اصول ہے اس ملک میں آئین اور قانون دیکھا جاتا ہے۔ منرل کانفرنس کے وقت اڈیالہ میں گرفتاریاں ہو رہی تھی، میں نے جے آئی ٹی میں آئی جی کو کہا تم بیٹھ نہیں سکتے، میں نے تمہاری پیٹی اتارنے کیلئے درخواست دے رکھی ہے۔
