ویب ڈیسک: ٹیرف کی جنگ میں سونے کی قیمتوں نے ملکی اور عالمی منڈیوں میں نیا ریکارڈ قائم کر دیا ، فی تولہ 3لاکھ 28ہزار 800روپے کی بلند ترین سطح پر پہنچ گیا ۔
ملک میں سونا ایک دن میں 10 گرام پر 6688 روپے اور فی تولہ 7800روپے مہنگا ہو گیاجس کے بعد 10 گرام سونے کی قیمت 2 لاکھ 81 ہزار 893 روپے جبکہ فی تولہ سونا 3 لاکھ 28 ہزار 800 روپے کی بلند ترین سطح پر پہنچ گیا۔
دوسری جانب عالمی مارکیٹ میں بھی سونے کی قیمت میں نمایاں اضافہ ریکارڈ کیا گیا ہے، جہاں فی اونس سونا 78 ڈالر کے اضافے سے 3118 ڈالر ہو گیا، جو کہ سونے کی تاریخ کی بلند ترین سطحوں میں شمار ہوتا ہے۔
تجزیہ کاروں کے مطابق موجودہ عالمی سیاسی تنا، مہنگائی اور کرنسی کی غیر یقینی صورتحال کے باعث سرمایہ کار سونے کو محفوظ اثاثہ سمجھ کر خرید رہے ہیں، جس سے قیمتیں مزید بڑھنے کا امکان ظاہر کیا جا رہا ہے۔
سونے کی مسلسل بڑھتی قیمتیں عام صارفین کے لیے پریشانی کا باعث بن رہی ہیں۔
