مظفرآباد: مظفرآباد آزاد کشمیر میں احساس کیش پروگرام کا اجرا، وزیراعظم عمران خان نے مستحقین میں امداد ی رقم تقسیم کی.
اس موقع پر اپنے خطاب میں وزیراعظم کا کہنا تھا کہ مستحقین افراد کی مدد کرنے پر فخر ہے،ایک لاکھ38ہزار خاندانوں تک احساس پروگرام سے پیسے ملیں گے،آزادکشمیر میں 12لاکھ خاندانوں کو ہیلتھ کارڈ دیاجائے گا،ہیلتھ کارڈ کےذریعے10لاکھ روپے کا مفت علاج ہوسکےگا.
ان کا مزید کہنا تھا کہ ایل او سی پر رہنے والوں کی تکالیف کا علم ہے،مودی حکومت نے مقبوضہ کشمیر میں مظالم کی انتہا کردی،مقبوضہ کشمیر میں ہرروز کوئی نہ کوئی نوجوان شہید کیاجاتا ہے،مودی مقبوضہ کشمیر میں سوچی سمجھی سازش کے تحت ظلم کررہا ہے،مودی نےگجرات میں آر ایس ایس کے غنڈوں کے ذریعے مسلمانوں کا قتل عام کیا،میں نے دنیا کو مسئلہ کشمیر سمجھایا.
وزیراعظم کا کہنا تھا کہ دنیا بھر کو بار بار مسئلہ کشمیر یاد دلائیں گے،ہم نے مسئلہ کشمیر کو اٹھا لیاتھا، لیکن ایک شخص اسلام آباد میں کنٹینر لے آیا،مشکلات کے باوجود آزاد کشمیر، قبائلی اضلاع، گلگت بلتستان اور بلوچستان کا بجٹ بڑھایا.