ویب ڈیسک: روس نے یوکرین کے شمالی شہر سومی کے مرکزپر میزائل حملہ کیا جس میں کم از کم 31افراد ہلاک جبکہ 84زخمی ہو گئے۔
یوکرینی صدر ولادیمیر زیلنسکی نے اس حملے کی شدید مذمت کرتے ہوئے اسے دہشتگردی قرار کرتے ہوئے عالمی برادری سے روس کے خلاف سخت ردعمل کا مطالبہ کیا۔
یوکرینی صدر نے سوشل میڈیا پر ایک ویڈیو بھی شیئر کی جس میں حملے کے نتیجے میں ہلاک ہونے والو ں کی لاشیں اور تباہ شدہ گاڑیاں دکھائی دے رہی ہیں۔
انہوں نے لکھا کہ حملہ اس دن ہوا جب لوگ گرجا گھروں میں عبادت کے لیے جا رہے تھے۔
یوکرینی صدر زیلنسکی نے امریکا اور یورپ سے روس پر سخت دبا ڈالنے کا مطالبہ بھی کیا۔
انہوں نے کہا کہ روس اسی قسم کی دہشت چاہتا ہے اور اسی لیے جنگ کو طول دے رہا ہے۔
