ویب ڈیسک: روس یوکرین جنگ میں مزید شدت آ گئی، حالیہ روسی میزائل حملے میں 31 یوکرینی شہری ہلاک جبکہ 84 زخمی ہو گئے۔
تفصیلات کے مطابق یوکرین کے شمالی شہر سومی کے مرکز میں روسی بیلسٹک میزائل حملے میں کم از کم31افراد جاں بحق اور84زخمی ہو گئے۔غیر ملکی خبررساں ایجنسی کے مطابق یہ حملہ رواں سال یوکرین پر ہونے والا سب سے زیادہ ہلاکت خیز حملہ ہے۔یوکرینی صدر ولادیمیر زیلنسکی نے اس حملے کی شدید مذمت کرتے ہوئے اسے دہشتگردی قرار دیا۔
عالمی برادری سے روس کے خلاف سخت ردعمل کا مطالبہ کیا۔ یوکرینی صدر نے سوشل میڈیا پر ایک ویڈیو بھی شیئر کی جس میں حملے کے نتیجے میں ہلاک ہونے والو ں کی لاشیں اور تباہ شدہ گاڑیاں دکھائی دے رہی ہیں۔
روسی میزائل حملے میں 31 یوکرینی شہری ہلاک اور 84 زخمی ہونے کے واقعہ کے بعد یوکرینی صدر نے اپنے سوشل میدیا پیغام میں لکھا ہے کہ یہ حملہ اس دن ہوا جب لوگ گرجا گھروں میں عبادت کے لیے جا رہے تھے۔
یوکرینی صدر زیلنسکی نے امریکا اور یورپ سے روس پر سخت دبا ڈالنے کا مطالبہ بھی کیا، انہوں نے کہا کہ روس اسی قسم کی دہشت چاہتا ہے اور اسی لیے جنگ کو طول دے رہا ہے۔ جارح ملک پر دبا کے بغیر امن ناممکن ہے۔ مذاکرات کبھی بیلسٹک میزائلوں اور فضائی بمباری کو نہیں روک سکتے۔
