ویب ڈیسک: مائنز اینڈ منرلز بل جمعیت علماء اسلام نے بھی مسترد کردیا، ا سسے قبل دیگر جماعتیں بھی اس حوالے سے اپنے تحفظات کا اظہار کر چکی ہِیں۔
پارٹی ترجمان اسلم غوری کا کہنا ہے کہ مائنز اینڈ منرلز بل جمعیت علماء اسلام نے بھی مسترد کردیا، بل کیخلاف سینٹ میں تحریک التواء جمع کرا دی گئی ہے، بلوچستان اسمبلی میں کچھ ممبران کا بل کی حمایت کرنا پارٹی پالیسی کی خلاف ورزی ہے۔
انہوں نے اس حوالے سے مزید بتایا کہ بل پر دو رائے پر جے یو آئی سربراہ مولانا فضل الرحمان نے نوٹس لے لیا ہے، اور اس پر انہوں نے حمایت کرنے والے اراکین اسمبلی سے جواب طلب کرنے کا حکم دے دیا ہے۔
اسلم غوری کا کہنا تھا کہ صوبائی جماعت سے جلد از جلد تحقیقات کر کے مرکزی جماعت کو رپورٹ دینے کیلئے کہا گیا ہے۔
