ویب ڈیسک: پبلک اکاؤنٹس کمیٹی میں وزارت آبی وسائل کی رپورٹ نے ہلچل مچا دی، رپورٹ میں ملک میں پانی کے تمام بڑے منصوبے تاخیر کا شکار ہونے کا انکشاف ہوا ہے، پانی سے متعلق 7 بڑے منصوبوں میں سے صرف ایک پر 50 فیصد تک کام مکمل ہو سکا، جس کے باعث پاکستان پانی کے کم ترین ذخیرے والے ممالک میں شامل ہے۔
وزارت آبی وسائل کی رپورٹ کے مطابق دیامر بھاشا ڈیم پر 15 فیصد، داسو ڈیم کی تعمیر کا کام 21 فیصد جبکہ مہمند ڈیم پر کام 33 فیصد مکمل ہوچکا ہے۔ اس کے علاوہ کرم تنگی ڈیم کا افتتاح 2016 میں سابق وزیراعظم نواز شریف نے کیا جس پر اب تک 75 فیصد تک کام مکمل ہو سکا ہے۔
اس رفتار کو اگر دیکھا جائے تو رپورٹ میں ملک میں پانی کے تمام بڑے منصوبے تاخیر کا شکار ہونے کا انکشاف خطرے کا الارم بجا رہے ہیں، رپورٹ میں یہ بھی بتایا گیا ہے کہ پاکستان میں فی کس کیوبک پانی 1000 میٹر ہے۔ سلیم مانڈوی والا نے کہا کہ اس وزارت کی کارکردگی حیران کن ہے کہ کوئی منصوبہ بھی مکمل نہیں ہو سکا۔
