ویب ڈیسک: بانی پی ٹی آئی عمران خان کی دو درخواستیں منظور کرتے ہوئے عدالت کی جانب سے عمران خان کی بچوں سے بات کرنے اور میڈیکل چیک اپ کا حکم جاری کر دیا گیا۔
تفصیلات کے مطابق اسلام آباد کی عدالت نے بانی پی ٹی آئی اور سابق وزیراعظم عمران خان کی 2 درخواستیں منظور کرتے ہوئے ان کی اپنے بچوں سے بات کرانے اور ان کا میڈیکل چیک اپ کروانے کا حکم دے دیا۔
سپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، عدالت نے بانی پی ٹی آئی عمران خان کی دونوں درخواستیں منظور کر لیں، عدالت نے بانی پی ٹی آئی کی دونوں درخواستیں منظور کرتے ہوئے حخم ن امہ بھی جاری کر دیا، عدالت کی جانب سے حکم پر عملدرآمد کی رپورٹ 28 اپریل کو جمع کروانے کی ہدایت بھی کر دی گئی ہے۔
