ویب ڈیسک: سپریم کورٹ آف پاکستان میں9مئی کے مزید اہم مقدمات سماعت کیلئے مقرر کر دیئے گئے ۔
بانی پی ٹی آئی عمران خان کا جسمانی ریمانڈ نہ دینے کے خلاف پنجاب حکومت کی اپیلیں بھی سماعت کے لیے مقرر ہو گئیں۔
چیف جسٹس آف پاکستان جسٹس یحییٰ آفریدی کی سربراہی میں تین رکنی بنچ کل سماعت کرے گا۔
سابق وزیراعظم عمران خان کی ضمانت قبل از گرفتاری بحال کرنے کیخلاف اپیلیں بھی مقرر جبکہ جی ایچ کیو حملہ کیس میں شیخ رشید کی بریت کی درخواست بھی سماعت کیلئے مقرر ہو گئی۔
عدالت نے پی ٹی آئی رہنماء صنم جاوید کی ضمانت منسوخی کی اپیل بھی مقرر کر دی۔
فواد چوہدری کی انسداد دہشتگردی عدالتوں سے متعلقہ دستاویزات نہ ملنے کی درخواست بھی مقرر کر دی گئی۔
