ویب ڈیسک: پانی کی تقسیم کا تنازع شدت اختیار کر دیا، پنجاب کے بعد سندھ نے بھی ارسا کو خط لکھ دیا۔
وزیر آبپاشی صوبہ سندھ جام خان شورو نے پانی کے تنازع پر خط ارسال کیا ہے ، جس میں انہوں نے ٹی پی لنک کینال کھولنے پر ارسا سے شدید احتجاج کیا، خط میں انہوں نے ٹی پی لنک کینال فوری طور پر بند کرنے کا مطالبہ بھی کر دیا۔
جام خان شورو نے ارسا کے نام جاری خط میں مؤقف اختیار کیا کہ سندھ کو 62 فیصد، پنجاب کی کینالز کو 54 فیصد پانی کی قلت کا سامنا ہے، ٹی پی لنک کینال کھولنے سے سندھ میں پانی کی مزید قلت بڑھ جائے گی، اس لئے یہی سندھ کے زخموں پر نمک چھڑکنے کے مترادف ہوگا۔
یاد رہے پنجاب حکومت نے پانی کی تقسیم پر ارسا کو لکھے خط میں پنجاب کے حصے کا پانی سندھ کو دینے پر سخت مؤقف اپنایا تھا، تاہم اب سندھ نے بھی ارسا کو خط لکھ کر مسئلے کی اہمیت واضح کر دی ہے۔
