ویب ڈیسک: لبنانی صدر نے حزب اللہ کو غیر مسلح کرنے کا عزم ظاہر کر دیا، اور کہا کہ حزب اللہ نئی جنگ میں شامل ہونے کا کوئی ارادہ نہیں رکھتی۔
تفصیلات کے مطابق لبنانی صدر جوزف عون نے تنظیم کے تمام ہتھیار حکومتی تحویل میں لینے کا عزم ظاہر کیا ہے، لبنان کے صدر نے 15 اپریل کو قطر کے دورے کے دوران ایک انٹرویو میں اس حوالے سے کہا ہے کہ ہم اس بات کو یقینی بنانے کے لیے کام کر رہے ہیں کہ لبنان میں تمام ہتھیار ریاست کے کنٹرول میں آئیں۔
صدر جوزف عون نے کہا کہ حزب اللہ نئی جنگ میں شامل ہونے کا کوئی ارادہ نہیں رکھتی، 2025 کو وہ سال بنانا چاہتا ہوں جب تمام ہتھیار صرف ریاست کے زیرِ کنٹرول ہوں۔
حزب اللہ کو غیر مسلح کرنے کا عزم ظاہر کرتے ہوئے انہوں نے مزید کہا کہ جنگجوؤں کو فوج میں علیحدہ یونٹ کے طور پر شامل نہیں کیا جائے گا، اور وہ مختلف کورسز کا حصہ بن سکتے ہیں، لبنانی صدر نے حزب اللہ کو غیر مسلح کرنے کا عزم ظاہر کرتے ہوئے مزید بتایا کہ ہم لبنان میں خانہ جنگی نہیں چاہتے۔
