پاکستان نے بھارتی شہریوں کو بھارت کیجانب سے مقبوضہ کشمیر کے ڈومیسائل سرٹیفیکیٹس جاری کرنے کو مسترکردیا

اسلام آباد: ترجمان دفترخارجہ کے مطابق ‏پاکستان نےبھارتی شہریوں کو بھارت کیجانب سے مقبوضہ کشمیر کے ڈومیسائل سرٹیفیکیٹس  جاری کرنے  کو مسترکردیا، کشمیری عوام نے بھی  بھارتی شہریوں کو ڈومیسائل دئیے جانے کو مسترد کر دیا، اطلاعات کے مطابق بھارت نے 25ہزار  بھارتی شہریوں کو  سرٹیفیکیٹس جاری کیے ہیں،

‏غیر کشمیری افراد کو ڈومیسائل دیا جانا غیر قانونی اور سلامتی کونسل کی قراردادوں کے منافی ہے، بھارت نے5 اگست کے اقدام سےمقبوضہ کشمیر میں آبادی کا تناسب تبدیل کرنے کی کوشش کی، بھارتی اقدام مقبوضہ کشمیر کے شہریوں کو اپنی ہی زمین پر اقلیت میں تبدیل کرنے کیلئے ہے،

‏بھارتی اقدامات آر ایس ایس بی جے پی ہندوتوا ایجنڈے کا حصہ ہیں، اقوام متحدہ اور عالمی برادری مقبوضہ کشمیر میں آبادی کے تناسب  میں تبدیلی پر بھارت کو روکے، بھارت اقوام متحدہ کی سلامتی کونسل کی قراردادوں پر عمل درآمد یقینی بنائے۔