ویب ڈیسک: پاکستان نے بھارتی پروپیگنڈے کے جواب میں عالمی سفارتی مہم شروع کرنے کا فیصلہ کرتے ہوئے بلاول کی قیادت میں وفد تشکیل دے دیا ۔
وزیراعظم آفس کے مطابق وزیراعظم شہباز شریف نے نے چیئرمین پیپلز پارٹی بلاول بھٹوزرداری کو فون کیا اور انہیں عالمی سطح پر بھارتی پروپیگنڈا توڑنے کا اہم ٹاسک تفویض کردیا۔
وزیراعظم نے حالیہ تنازع کے پیش نظر اعلی سطح کا وفد تشکیل دیا ہے، جس کی قیادت بلاول بھٹو زرداری کریں گے۔
بلاول وفد کے ہمراہ یورپ جائیں گے اور عالمی برادری کو بھارتی جارحیت سے آگاہ کریں گے۔
وفد میں ڈاکٹر مصدق ملک، خرم دستگیر، شیری رحمان، حناربانی کھر، فیصل سبزواری، تہمینہ جنجوعہ اور جلیل عباس جیلانی بھی شامل ہیں۔
وزیراعظم آفس کے مطابق بلاول بھٹوکی قیادت میں وفد لندن، واشنگٹن، پیرس اور برسلز جائیگا۔،وفد خطے میں بھارت کے پروپیگنڈے اور خطے کے ا من کو تباہ کرنے کی کوششوں کو بے نقاب کریگا۔
وفد پاکستان کی خطے میں امن قائم رکھنے کے لییکوششوں کو اجاگر کرے گا ۔
