ویب ڈیسک: چین کا ڈرون بردار ڈرون طیارہ جیو تیان مشن پر جانے کے لئے تیار، یہ 15 ہزار میٹر(50)کی بلندی پر اڑنے اور 7 ہزار کلومیٹر تک فاصلہ طے کرنے کی صلاحیت رکھتا ہے۔
تفصیلات کے مطابق چین کا ڈرون بردار ڈرون طیارہ جیو تیان جون کے آخر میں اپنے پہلے مشن پر جانے کے لیے تیار ہے، جیو تیان ڈرون نومبر 2024 میں عوہائی ائیر شو کے دوران پہلی بار منظر عام پر آیا تھا۔
چینی میڈیا کے مطابق یہ جیٹ انجن سے چلنے والا اور طویل فاصلے تک پرواز کرنے والا بغیر پائلٹ طیارہ ہے جو 15 ہزار میٹر(50)کی بلندی پر اڑنے اور 7 ہزار کلومیٹر تک فاصلہ طے کرنے کی صلاحیت رکھتا ہے۔
ذرائع کے مطابق ڈرون 16 ٹن تک وزن کے ساتھ پرواز کر سکتا ہے اور 6 ٹن تک ہتھیار، لوئٹرنگ ایمونیشن یا چھوٹے خودکش ڈرونز لے جانے کی صلاحیت رکھتا ہے، جیو تیان سے اس کے اندر موجود 100 چھوٹے ڈرونز یا ہتھیار لانچ کیے جاسکتے ہیں جو دشمن کے دفاعی نظام کو متاثر کرنے کے لیے استعمال کیے جاسکتے ہیں۔ یاد رہے کہ بڑی تعداد میں ڈرونز بیک وقت دشمن کے خلاف کارروائی کرتے ہیں۔
