ویب ڈیسک: سٹیٹ بینک نئی شرح سود کا اعلان مانیٹری پالیسی کمیٹی اجلاس میں کریگا ، جو کہ 16 جون کو طلب کیا گیا ہے، اجلاس میں ملکی اورعالمی معاشی صورتحال، مہنگائی کی رفتار، کرنسی کی قدر اور مالیاتی استحکام جیسے امور پر غور کیا جائے گا۔
معاشی ماہرین کے مطابق مہنگائی میں حالیہ کمی اور زرمبادلہ کے ذخائر میں بہتری کے بعد شرح سود میں ممکنہ کمی کا امکان ہے۔
سٹیٹ بینک کا کہنا ہے کہ پالیسی فیصلہ ملک کی مجموعی معاشی صورتحال کو مدنظر رکھتے ہوئے کیا جائے گا، سرمایہ کار، صنعت کار اور مالیاتی ادارے اس فیصلے پر گہری نظر رکھے ہوئے ہیں۔
