ویب ڈیسک: پاکستان کی ایران پر اسرائیلی حملے کی شدید مذمت ، اقوام متحدہ سے فوری مداخلت کرتے ہوئے جارحیت رکوانے کا مطالبہ کر دیا۔
وزارت خارجہ کی جانب سے کہا گیا ہے کہ پاکستان ایرانی عوام کے ساتھ مکمل یکجہتی کا اظہار کرتا ہے، اسرائیلی اشتعال انگیز کارروائیاں علاقائی و عالمی امن و سلامتی کےلیے سنگین خطرہ ہیں۔
ایران پر اسرائیلی حملے کی شدید مذمت کرتے ہوئے وزارت خارجہ کا کہنا ہے کہ عالمی برادری اور اقوام متحدہ فوری طور پر یہ جارحیت رکوائیں، عالمی قوانین کی حفاظت اور حملہ آور کو جوابدہ بنانے کی ذمہ داری اقوام متحدہ پر عائد ہوتی ہے۔
پاکستان کی جانب سے کہا گیا ہے کہ یہ حملے اقوام متحدہ کے چارٹر اور بین الاقوامی قوانین کی صریحاً خلاف ورزی ہیں، ایران کو اقوام متحدہ کے چارٹر کے آرٹیکل51 کے تحت دفاع کا مکمل حق حاصل ہے، صیہونی کارروائیاں ایران کی خود مختاری اور علاقائی سالمیت کی کھلی خلاف ورزی ہیں۔ یاد رہے پاکستان کی ایران پر اسرائیلی حملے کی شدید مذمت ، اقوام متحدہ سے فوری مداخلت کرتے ہوئے جارحیت رکوانے کا مطالبہ کر دیا۔
