ویب ڈیسک: نائب وزیراعظم اور وزیر خارجہ اسحاق ڈار کا عباس عراقچی سے ٹیلیفونک رابطہ، قیمتی جانوںکے ضیاع پر افسوس کا اظہار کرنے سمیت اسرائیلی حملے کی شدید مذمت کی گئی.
تفصیلات کے مطابق نائب وزیراعظم اور وزیر خارجہ اسحاق ڈار نے اپنے ایرانی ہم منصب سید عباس عراقچی سے ٹیلیفونک رابطہ کیا ہے، اس دوران انہوںنے ایران کیخلاف اسرائیلی جارحیت کی شدید الفاظ میںمذمت کی، اور ایران کی بھرپور حمایت کا اعادہ کیا.
ٹیلیفونک رابطہ میں وزیر خارجہ اسحاق ڈار نے حملوں کے دوران قیمتی جانوں کے ضیاع پر ہمدردی و افسوس کا اظہار کیا، جبکہ انہوں نے ایران پر حملہ انتہائی افسوسناک قرار دیدیا۔ وزیر خارجہ نے مشکل وقت میں ایران کے ساتھ کھڑے ہونے کے عزم کا اظہار کیا، اور کہا کہ اسرائیل نے ہمارے برادر ملک ایران پر حملہ کیا، جو کہ ایران کی خودمختاری کی صریحاً خلاف ورزی ہے، قابل نفرت اقدام نے بین الاقوامی قانون کی بنیادوں کو ہلا کر رکھ دیا۔
نائب وزیراعظم اور وزیر خارجہ اسحاق ڈار کا ٹیلیفونک رابطہ کے دوران جہاں ایک طرف قیمتی جانوںکے ضیاع پر افسوس کا اظہار کیا گیا، وہیں ان کا کہنا تھا کہ اسرائیل نے حملہ کرکے علاقائی استحکام اور بین الاقوامی سلامتی کو بری طرح نقصان پہنچایا، جس کی جتنی مذمت کی جائے کم ہے۔
