ویب ڈیسک: ملک کے مختلف علاقوں میں گرج چمک کیساتھ بادوباران کی پیشگوئی ایک بار پھر محکمہ موسمیات کی جانب سے کر دی گئی ہے۔
محکمہ موسمیات کے مطابق خیبرپختونخوا، شمال مشرقی، جنوبی پنجاب، خطہ پوٹھوہار، اسلام آباد، کشمیر اور گلگت بلتستان میں مطلع جزوی ابر آلود رہنے کے علاوہ آندھی، تیز ہوائیں چلنے اور گرج چمک کے ساتھ بارش جبکہ چند مقامات پر ژالہ باری کا امکان ہے۔
محکمہ موسمیات کی جانب سے ملک کے مختلف علاقوں میں گرج چمک کیساتھ بادوباران کی پیشگوئی کرتے ہوئے کہا گیا ہے کہ اکثر علاقوں میں ژالہ باری کا بھی امکان ہے، جبکہ جنوبی علاقوں میں موسم شدید گرم اور خشک رہنے کے علاوہ تیز اور گردآلود ہوائیں چلنے کا امکان ہے۔
گزشتہ روز اسلام آباد، خیبرپختونخوا، پنجاب اور مری سمیت مختلف علاقوں میں بارش اور تیز ہواؤں سے موسم خوشگوار ہو گیا۔ اسلام آباد کے مختلف علاقوں میں ہلکی بارش ہوئی، مالم جبہ میں 10 ملی میٹر، کالام میں 8 اور چترال میں 3 ملی میٹر بارش ریکارڈ کی گئی۔
دوسری طرف لاہور میں تیز ہوائیں چلنے سے موسم خوشگوار ہوگیا، مری میں بھی موسلادھار بارش ہوئی، مری میں سیاحوں نے بارش میں مال روڈ پر چہل قدمی کا سلسلہ جاری رکھا۔
