ویب ڈیسک: جے یو آئی کے سربراہ مولانا فضل الرحمان نے کہا ہے کہ ریاست تاجروں کو تحفظ، سہولت اور عزت دے۔
کراچی میں تجارتی و صنعتی شخصیات سے خطاب کرتے ہوئے سربراہ جمعیت مولانا فضل الرحمان کا کہنا تھا کہ تاجر برادری ملکی تعمیر وترقی میں کلیدی کردار ادا کر رہی ہے۔
مولانا فضل الرحمان کا کہنا تھا کہ کراچی پاکستان کا معاشی حب ہے، تاجر معیشت کا ستون ہیں، تاجر برادری ملکی تعمیر وترقی میں کلیدی کردار ادا کر رہی ہے، ریاست تاجروں کو تحفظ، سہولت اور عزت دے۔
سربراہ جمعیت علما اسلام کا کہنا تھا کہ جے یو آئی کا تاجروں سے رشتہ ہمیشہ مضبوط اور اصولی رہا ہے، قومی اور ملی زندگی میں اسلامی ترجیح امن اور خوشحال معیشت ہے، امن سے مراد انسانی حقوق کا تحفظ ہے۔
تقریب میں علامہ راشد سومرو، انجینئر ضیا الرحمان، مولانا ناصر محمود سومرو، سمیع الحق سواتی بھی شریک تھے۔
