ویب ڈیسک: وزیر اعلیٰ خیبرپختونخوا علی امین گنڈاپور نے صوبے میں تعلیمی ایمرجنسی نافذ کردی ہے ۔
ترجمان وزیر اعلیٰ خیبرپختونخوا فراز احمد مغل کے مطابق بجٹ میں سکول سے باہر بچوں کو تعلیم دینے کے لیے 5 ارب مختص کیے ہیں،کم ازکم 50فی صد بچوں کی دوبارہ سکول میں شمولیت کے لیے منصوبے کا آغاز کیا جائے گا ۔
وزیراعلیٰ کے ترجمان نے بتایا کہ 32500سرکاری سکولوں میں مختلف مد میں 5.9 ملین خرچ کیے جائیں گے، جن میں تدریسی مواد، کلاس رومز کی مرمت، غیرنصابی سرگرمیاں شامل ہیں۔
انہوں نے کہا کہ گرلز کمیونٹی سکولز کے اساتذہ کے لیے 1539 ملین فراہم کیے جائیں گے طلبا و طالبات کے لیے 8545 ملین کی درسی کتب کی مد میں جاری کیے جائیں گے، ڈی آئی خان میں 3 ارب روپے کی لاگت سے گرلز کیڈٹ کالج کی تعمیر کی جائیگی۔
ترجمان وزیراعلیٰ کا کہنا تھا کہ 10تاریخی سکولوں کے تحفظ اور بحالی کے لیے 855 ملین روپے کے منصوبے شامل کیے گئے ہیں جبکہ عارضی اساتزہ کی بھرتی کے لیے 1000 ملین رکھے گئے ہیں۔
