ویب ڈیسک: اسرائیلی فوج نے ایران کے سینئر ترین فوجی کمانڈر علی شادمانی کو تہران میں حملے کے دوران شہید کرنے کا دعویٰ کیا ہے ۔
اسرائیلی فوج کے بیان کے مطابق شادمانی ایران کے "سب سے سینئر کمانڈر” اور رہبر اعلی آیت اللہ علی خامنہ ای کے قریبی ترین ساتھی تھے،شادمانی کو خاتم الانبیا سنٹرل ہیڈ کوارٹر کے سربراہ کے طور پر حال ہی میں تعینات کیا گیا تھا۔
عہدہ انہیں اس وقت دیا گیا جب سابق کمانڈر غلام علی رشید کو جمعے کے روز اسرائیلی حملے میں ہلاک کیا گیا تھا۔
ایرانی حکومت کی جانب سے فی الحال اس واقعے پر کوئی باضابطہ ردعمل سامنے نہیں آیا۔
اگر اسرائیلی دعوی درست ثابت ہوتا ہے تو یہ ایران کے فوجی ڈھانچے پر ایک بڑا دھچکا اور مشرق وسطی میں کشیدگی کے مزید بڑھنے کا اشارہ ہو سکتا ہے۔
