ویب ڈیسک: تھانہ ریگی کی حدود میں پولیس مقابلے کے بعد مطلوب خطرناک سنیچر زخمی حالت میں گرفتار جبکہ دو ساتھی فرار ہو گئے ۔
پولیس ذرائع کے مطابق واقعہ تھانہ ریگی کی حدود میں پیش آیا جہاں موٹر سائیکل سوار سنیچرز ناکہ بندی پر موجود پولیس پارٹی کو دیکھتے ہی فرار ہوگئے پولیس نے تعاقب کیا تو ملزمان نے باارادہ قتل فائرنگ کی۔
پولیس نے حق حفاظت خود اختیاری کی خاطر جوابی فائرنگ کی کراس فائرنگ کی ،رکنے کے بعد سرچ آپریشن کے دوران ایک ملزم محمد حسین زخمی حالت میں قابو کرلیاجبکہ دو ساتھی فرار ہونے میں کامیاب ہو گئے ۔
زخمی سنیچر کی شناخت حسین ولد وکیل سکنہ پٹواری پایان سے ہو ئی جوکہ مقدمہ علت 754مورخہ 2.05.2025 جرم 392PPC تھانہ ریگی اور تھانہ میچنی گیٹ پولیس کو بھی رہزنی میں مطلوب ہے۔
گرفتار ملزم سے مسروقہ موبائل فونز ، 40ہزار روپے کیساتھ ساتھ واردات میں استعمال ہونے والا پستول بھی برآمدکرلیاگیا جبکہ مزید تفتیش شروع کردی گئی ہے ۔
