ویب ڈیسک: ایران کا ساتھ دیتے ہوئے یمن نے اسرائیل اور امریکا کیخلاف جنگ میں شمولیت کا اعلان کر دیا۔
تفصیلات کے مطابق باضابطہ طور پر یمن نے اسرائیل اور امریکا کیخلاف جنگ میں شمولیت کا اعلان کر دیا، ایرانی میڈیا کے مطابق یمنی مسلح افواج کے ترجمان بریگیڈیئر جنرل یحییٰ ساری نے اپنے ذاتی سوشل میڈیا اکاؤنٹ پر ایک بیان کے ذریعے یہ اعلان کیا ہے، جس میں کہا گیا ہے کہ یمن باضابطہ طور پر امریکا اور اسرائیل کے خلاف جاری جنگ میں داخل ہو رہا ہے۔
یمن کی جانب سے امریکہ کو وارن کیا گیا ہے کہ اپنے بحری جہازوں کو ہمارے علاقائی پانیوں سے دور رکھیں، یمنی مسلح افواج کی جانب سے ہفتے کے روز جاری کئے گئے ایک سرکاری فوجی بیان کے بعد سامنے آیا ہے جس میں غزہ، لبنان، شام اور دیگر عرب و اسلامی ممالک پر اسرائیلی حملوں کی مذمت کی گئی تھی۔
اس بیان میں خبردار کیا گیا تھا کہ صہیونی حکومت امریکا کی مکمل حمایت سے پورے خطے کو غیر مستحکم کرنے کی کوشش کر رہی ہے، واضح رہے کہ یمنی مسلح افواج کے ترجمان کی جانب سیجنگ میں ایران کا ساتھ دینے کا باضابطہ اعلان ایرانی جوہری تنصیبات پر امریکی حملوں کے بعد سامنے آیا ہے۔
خیال رہے کہ گزشتہ شب امریکا نے ایران اسرائیل جنگ میں شامل ہوتے ہوئے ایران کی جوہری تنصیبات پر بمباری کی تھی۔
