امریکی بمبار طیاروں کے بھارتی فضائی

امریکی بمبار طیاروں کے بھارتی فضائی حدود استعمال کرنے کا انکشاف

ویب ڈیسک: ایران پر حملہ آور ہونے والے امریکی بمبار طیاروں کے بھارتی فضائی حدود استعمال کرنے کا انکشاف ہوا ہے۔ اس حوالے سے جاری رپورٹ میں بتایا گیا ہے کہ امریکی فضائیہ کے سٹریٹجک بی ٹو سٹیلتھ بمبار طیاروں نے اسلامی جمہوریہ ایران کے ایٹمی تنصیبات پر حملے کے لیے بھارتی فضائی حدود استعمال کیں۔
ذرائع کا کہنا ہے کہ یہ طیارے امریکی جزیرے گوام 15شمال،145مشرق سے روانہ ہوئے اور مغرب کی جانب بحرِ انڈمان10 شمال95-100 مشرق سے ہوتے ہوئے وسطی بھارت 20 شمال، 75، 80 مشرق کی فضائی حدود عبور کر کے بحیرہ عرب کے راستے ایران کی سرحد کے نزدیک پہنچے۔
یہ پیش رفت ایسے وقت میں سامنے آئی جبکہ مشرق وسطیٰ میں ایران، اسرائیل اور امریکا کے درمیان کشیدگی عروج پر ہے اور امریکی حملے سے خطے میں مزید کشیدگی بڑھنے کا خدشہ ہے، تجزیہ کار اس انکشاف کو خطے میں بھارت کے ممکنہ سٹریٹجک کردار کی علامت قرار دے رہے ہیں۔

مزید پڑھیں:  غزہ میں ایندھن قلت، نومولود بچوں کی زندگیاں خطرے میں پڑ گئیں