ویب ڈیسک: بھارتی طیاروں پر پاکستانی فضائی حدود مزید ایک ماہ کیلئے بند رکھنے کا فیصلہ کر لیا گیا، جبکہ یہ بندش آج سے شروع ہو گی۔
ایوی ایشن ذرائع کے مطابق بھارتی طیاروں پر فضائی حدود کی بندش میں توسیع کا نوٹم آج جاری ہو گا۔ پاک بھارت کشیدگی کے بعد پاکستان نے 24 اپریل کو پاکستانی فضائی حدود بھارتی طیاروں کے لیے بند کی تھیں، بعد میں اس میں مزید ایک ماہ کی توسیح 23 مئی کو کی گئی جو آج ختم ہو رہی ہے۔
پاکستانی فضائی حدود کی بندش سے بھارتی پروازوں کی یومیہ اخراجات میں لاکھوں ڈالر اضافہ ہوگا، کیونکہ 100 سے زائد بھارتی پروازیں روزانہ پاکستانی فضائی حدود استعمال کرتی ہیں۔
یاد رہے کہ بھارت کی جانب سے بھی پاکستانی طیاروں کے لیے اپنی فضائی حدود بند کی گئی ہیں۔
