ویب ڈیسک: ہر گزرتے لمحے کے ساتھ ایران اسرائیل جنگ میں شدت آتی جا رہی ہے، دونوں جانب سے ایک دوسرے پر میزائلوں کی برسات کر دی گئی۔
اسرائیلی فضائیہ کے 15 سے زائد لڑاکا طیاروں نے ایران کے کرمان شاہ علاقے میں متعدد میزائل لانچنگ سائٹس اور سٹوریج سائٹس کو نشانہ بنایا گیا، جس کے جواب میں ایران نے اسرائیل پر میزائل داغ دیئے۔
اسرائیلی فوج کی جانب سے دعویٰ کیا گیا ہے کہ مغربی، مشرقی اور وسطی ایران میں 6 ہوائی اڈوں پر حملہ کیا گیا ہے، تہران کے مغرب میں واقع کرَج میں بھی اسرائیل نے حملہ کیا ہے، جس کے بعد علاقے میں دھماکوں کی آوازیں سنی گئیں۔
اسرئیلی حملوں کے بعد ایران نے بھی بھرپور جوابی کارروائی کرتے ہوئے متعدد اسرائیلی شہروں کو نشانے پر رکھ دیا، یروشلم نہاریا، گشر حزیو، حیلا، میعونا اور میعیلیا سمیت کئی شہروں میں سائرن بجنے کی اطلاعات موصول ہوئی ہیں۔
اسرائیلی ذرائع کا کہنا ہے کہ اب تک کم از کم 4 مقامات پر میزائل گرنے کی تصدیق ہو چکی ہے ، ایران نے خرم آباد میں اسرائیلی ہرمس ڈرون بھی مار گرایا ہے۔
