ویب ڈیسک: مودی کی سفارتی ناکامیوں اور گودی میڈیا کے پراپیگنڈے کا پول معروف بھارتی صحافی روس کمار کے ہاتھوں کھل گیا، روش کمار کے تنقیدی جائزہ رپورٹ سے سب کچھ سامنے آ گیا۔
روش کمار کا مودی کی ناقص خارجہ پالیسی پر شدید تنقید کا اظہار کرتے ہوئے کہنا ہے کہ بھارتی وزیر خارجہ جے شنکر ظاہری رکھ رکھاؤ اور مہنگے سوٹ پہننے تک محدود ہیں، اصل پالیسی میں کوئی جان نظر نہیں آتی، جے شنکر کی انگریزی تو شاندار ہے، لیکن ایران اسرائیل کشیدگی پر وہ ایک لفظ نہ بول سکے۔
ان کا کہنا تھا کہ مودی سرکار یا گودی میڈیا کی اسرائیل کے مظالم پر خاموشی، بھارت کی جارحیت پسند پالیسیوں کی عکاسی کرتی ہے، اور ان کی اس خاموشی سے بھی ان کا اصل چہرہ بے نقاب ہو گیا، ایران اسرائیل کشیدگی پر بھارت کا بزدلانہ مؤقف، دنیا بھر میں اس کی ساکھ کو نقصان پہنچا رہا ہے۔
روش کمار نے بتایا کہ گودی میڈیا ایران کو بھی مسلم مخالف نظریے سے دیکھ رہا ہے، اور ایران اسرائیل کشیدگی کو اسی نظریے سے دکھا رہا ہے، جیسے مودی کے راج میں پچھلے گیارہ سال سے بھارتی مسلمانوں کو دکھاتا آیا ہے، آپریشن سندور کے دوران بھی گودی میڈیا کی جانبدار کوریج نے بی جے پی کے حامیوں کو بھی شرمندہ کیا۔
بھارتی صحافی کی رپورٹ میں بتایا گیا ہے کہ بھارتی میڈیا کی جانب سے ایران اسرائیل جنگ کے مسئلے کو صرف مذہبی تصادم کے طور پر پیش کیا گیا، جبکہ نام نہاد جمہوریت کی دعویدار مودی سرکار اسرائیلی انسانی حقوق کی خلاف ورزیوں پر یکسر خاموش تماشائی بنی بیٹھی ہے۔
