ویب ڈیسک: لاہور ہائیکورٹ نے بانی پی ٹی آئی عمران خان کی 9مئی کے 8مقدمات میں ضمانت کی درخواستیں مسترد کر دیں ۔
تفصیلات کے مطابق سابق وزیراعظم عمران خان کے خلاف 9 مئی 2023 سے متعلق 8 مقدمات میں بڑی پیشرفت سامنے آئی لاہور ہائی کورٹ نے سابق وزیر اعظم کی ضمانتوں کی درخوستوں پر محفوظ فیصلہ سنا دیا ۔
فیصلہ جسٹس شہباز رضوی کی سربراہی میں دو رکنی بینچ نے سنایا جس میں عدالت عالیہ نے بانی پی ٹی آئی کی ضمانتیں خارج کرنے کا حکم دے دیا۔
فیصلہ سامنے آنے کے بعد پی ٹی آئی سے متعلق رکھنے والے وکلا نے کورٹ میں احتجاج کیا۔
قبل ازیں کمرہ عدالت سے غیر متعلقہ افراد کو نکال دیا گیا تھا جب کہ اس سلسلے میں سابق وفاقی وزیر فواد چوہدری بھی عدالت پہنچ گئے تھے۔
بانی پی ٹی آئی کے خلاف لاہور ہائیکورٹ میں زیر سماعت متعدد مقدمات میں درخواست ضمانت دائر کی گئی تھی، ان مقدمات میں جناح ہاس حملہ کیس، شادماں حملہ، عسکری ٹاور کیس شامل ہیں۔
اس کے علاوہ عمران خان کے خلاف زمان پارک جلاؤ گھیراؤ، جناح ہاس کے باہر سرکاری گاڑی جلاؤ گھیراؤ، مغلپورہ جلا گھیراؤ، راحت بیکری اور شیر پا پل کیس شامل ہیں۔
