ویب ڈیسک: ایران میں موساد سے مبینہ روابط کے الزام میں 3افراد کو سزائے موت دیدی گئی، یہ اقدام ایران اور اسرائیل کے درمیان جنگ بندی کے صرف ایک روز بعد اٹھایا گیا۔
ذرائع کے مطابق ایرانی عدلیہ کا کہنا ہے کہ ادریس علی، آزاد شجاعی اور رسول احمد رسول کو ملک میں قتل عام کے لیے سامان سمگل کرنے اور اسرائیل سے تعاون کے جرم میں قصوروار ٹھہرایا گیا۔
ایرانی عدلیہ کی جانب سے کہا گیا ہے کہ تینوں مجرموں کو ارومیہ شہر میں آج صبح پھانسی دے دی گئی، جو کہ ترکی کی سرحد کے قریب واقع ہے۔ ان افراد کے سمگل کردہ ہتھیار ایک نامعلوم شخصیت کے قتل میں استعمال ہوئے، تاہم مقتول کے بارے میں تفصیلات جاری نہیں کی گئیں۔
پھانسی سے قبل تینوں افراد کی تصاویر نیلے قیدی لباس میں ایرانی میڈیا نے شائع کیں۔ یاد رہے کہ ایران میں موساد سے مبینہ روابط کے الزام میں 3افراد کو سزائے موت دیدی گئی۔
