ویب ڈیسک: انسداد دہشت گردی عدالت اسلام آباد کی جانب سے 26نومبر احتجاج کے کیس میں 3 ملزمان پر فرد جرم عائد کر دی گئی۔
اے ٹی سی جج طاہر عباس سپرا نے پاکستان تحریک انصاف کے رہنماوں اور ورکرز کے خلاف 26 نومبر احتجاج پر درج مقدمات سے متعلق کیس پر سماعت کی، اس موقع پر عدالت نے اگلی سماعت پر استغاثہ کے گواہان کو طلب کر لیا، جن سے بیانات ریکارڈ کروائے جائیں گے۔
بشریٰ بی بی اور علی امین گنڈا پور بھی متعلقہ مقدمہ میں نامزد ملزمان ہیں، دونوں ملزمان میں عبوری ضمانت پر ہیں، تاہم ابھی تک ان کی حد تک تاحال مقدمے کا چالان پیش نہیں ہوا۔ بعد ازاں عدالت نے سماعت 13 جولائی تک ملتوی کر دی۔ یاد رہے انسداد دہشت گردی عدالت اسلام آباد کی جانب سے 26نومبر احتجاج کے کیس میں 3 ملزمان پر فرد جرم عائد کر دی گئی۔
