ویب ڈیسک: سابق وزیر اعظم نواز شریف نے مرحوم سینیٹر عباس آفریدی کی وفات پر تعزیت کرتے ہوئے کہا ہے کہ مرحوم باوفا ساتھی تھے ، ان کی خدمات ہمیشہ یاد رکھی جائیں گی ۔
تفصیلات کے مطابق مسلم لیگ ن کے مرکزی صدر اور سابق وزیراعظم نواز شریف نے گیس لیکج دھماکے میں جاں بحق ہونے والے سابق سینیٹر سینیٹر عباس آفریدی کے اہل خانہ سے تعزیت کیلئے مرحوم کے گھر پہنچ گئے ۔
صدر مسلم لیگ ن نے مرحوم کے اہلخانہ سے تعزیت کا اظہار کرتے ہوئے کہا کہ عباس آفریدی مخلص اور باوفا ساتھی تھے، پارٹی کے لیے ان کی خدمات کو ہمیشہ یاد رکھا جائے گا۔
یاد رہے کہ گزشتہ ماہ کوہاٹ میں گیس لیکج دھماکے میں زخمی سابق وفاقی وزیر سینیٹر عباس آفریدی دوران علاج دم توڑ گئے تھے۔
عباس آفریدی اپنے ساتھیوں کے ہمراہ اپنے حجرہ عظیم باغ میں گیس لیکج کے باعث ہونے والے دھماکے میں زخمی ہوئے تھے۔
عباس آفریدی کو علاج کے لیے کھارہاں ہسپتال منتقل کیا گیا تھا جہاں وہ دوران علاج زخموں کی تاب نہ لاتے ہوئے دم توڑ گئے تھے۔
