ویب ڈیسک: صوبہ بھر کی تاجر برادری نشانے پر ، خیبرپختونخوا میں 2فیصد انفراسٹرکچر ڈویلپمنٹ سیس کے نفاذ کا فیصلہ ، گڈز کی ترسیل پر 2 فیصد ٹیکس وصول کیا جائے گا۔
تفصیلات کے مطابق خیبرپختونخوا حکومت کی جانب سے صوبہ میں 2فیصد انفراسٹرکچر ڈویلپمنٹ سیس کے نفاذ کا فیصلہ کر لیا گیا ہے، اس فیصلے کے تحت اب صوبے میں گڈز کی ترسیل پر 2 فیصد ٹیکس وصول کیا جائے گا۔
صوبائی ریونیو اتھارٹی کی جانب سے جاری اعلامیہ میں بتایا گیا ہے کہ یہ سیس صوبے کے تمام بڑے داخلی اور خارجی راستوں، بشمول باچا خان انٹرنیشنل ایئرپورٹ، پر وصول کیا جائے گا، اس ٹیکس کا مقصد صوبے کے بنیادی ڈھانچے کو بہتر بنانے اور سڑکوں و ترسیلی نظام کو مضبوط بنانا ہے۔
ذرائع کا کہناہے کہ سیس کا اطلاق فوری طور پر شروع کیا جا رہا ہے، اور تمام تاجر و ٹرانسپورٹرز کو اس کے تحت محصولات ادا کرنا ہوں گے۔
